محكمة الحب والغرام

[size=16]الحب والرومانسيه كلنا طبعا عارفنهم كويس بس احنا بقا عملنا المحكمه عشان نعرف الحب والرومانسيه عند كل وحد فينا

فكره الموضوع ان كل مره هنستضيف عضو معانا فى المنتدى وهيدخل معانا فى المحكمه وهيبقا فى قفص الغرام وتتم المحاكمه

وعلى الجميع الالتزام بكل قواعد المحكمه الحكم هيكون عادل باْذن الله وياريت تكون الاجابه صادقه

احنا عاملين المحكمه عشان كل وحد فينا يقف قدام نفسه مره واحده بقلبه وياريت اللى يدخل المحكمه يكون عقله بعيد عن رده

قواعد المحكمه

1_الاجابه عن جميع الاسئله بكل صراحه

2_تكون صادق

3_لاتحاول ان تبعد عن مضمون الموضوع

فكره الموضوع جميله جدا وهتعجبكوا يا جماعه ياريت كلنا نشارك

وياريت محدش يفهم الموضوع غلط احنا مش هنخش فى خصوصيات حد احنا عاملينا محكمه عن الحب والرومانسيه

هيكون فى مفاجئات

هيكون فى احكام جامده

هيكون فى حاجات كتير

اول واحد هايدخل قفص الغرام هو (cow boy)
دبسانك يا معلم ورينا شطارتك

انا بس قولت اضيف حاجه للتوبيك يمكن تخلي التوبي او المحكمه بشكل احسن

انا هغير في حاجه بسيطه جداا .

انا هدي للممحكوم عليه فتره سماح 3 ايام لو مجاوبش علي الاسئله المطروحه عليه

او اتاخر بمعني اصح عن ال3 ايام

هضطر اني اغير العضو ده بعضو تاني .. علشان ميعطلناش

وشكرا علي التفاعل لكل الاعضاء . والمشرفين . والاداره .

عاوزين جماعه التفاعل والمشاركه واول واحد هيتسال هو الوكيل عاوزين نشوفه وياريت تفاعل معانا في الموضوع ويشاركنا لو ممكن

فين التفاعل والردود يا جماعه هو المنتدى نايم كدا ليه عاوزين نشوف التفاعل دا الوكيل ال هيتسال يا جماعه

اه طبعا وانا معاك الوكيل

فين يا وكيل احنا عاوزين الوكيل يدخل علشان نعرف نساله ولا هو باه صاحب المنتدى ومش يشارك معانا

فين عمرو يا جدعان

عمروووووووووووووووووووووووووووووو

عمرو شكلة بيهرب

خلاص يا جماعه نشوف عضو جديد من الاعضاء انه يدخل في المحكمه انتم نفسكم في مين الي يتحط في المحكمه

نشوف المقاتل ويارب يتكلم بصراحه
معنى انى عارف انه صريح
بس يجى وما يعملش زى الوكيل معنى انى عارف
ان الوكيل اكيد مشغول اليومين دول واكيد لما هيرجع هيشارك معانى وهنساله

ازيكوا يا جدعان والله وحشنى
والموضوع جامد جدا
وكل الاعضاء وحشنى والله
وانا معاكوا يا جدعان لو فى اى اسئلة

اشطة ي عبد الله و سؤالى

من انت ؟؟

احنا يا جماعه هنختار واحد ونطلع عليه شوية اسئله نسالها ليها ونحب اننا نختار واحد وهو هيتسال الاسئله دي

هنختار يا جماعه دلوقتي cow boy هو الي يتسال الاسئله ويجاوب عليها وعاوزين نشوف منه التفاعل وانه يجاوب علي الاسئله ويرد علينا قبل ما نضع ليه الاسئله انه يجاوب عليها

ازيك يا سيد وحشنى جدا
وبعدين انتا عارف انا مين
انا المقاتل الفرعونى
او عبدالله المنيسى
جنرال جماعة صاعقين الناموس
وفنان منتديات الاكاديمية المصرية
وبحب كل اعضاء المنتدى

هو مين بيتسال بالضبط cowboy عبدالله ولا
عشان بس نعرف هنسال مين

يا جماعة احنا خلاص اخترنا عبد الله

و عالفكرة انا كان قصدى بـ من انت ؟ انك تكلمن عنك و عن شخصيتك و طباعك

وش شكرا يا تيتو على الترشيح بس لما نخلص على عبد الله الاول

كدة اوك
اسئلتى بقة ليك يا استاذ عبدالله
1-اكتر موقف حصلك كان محرج بالنسبالك؟
2-اكتر حاجة بتكرها فى حياتك؟
3-كم مرة حبيبت حب حقيقى ؟

يلا ياعبد الله علشان اسأل بقى

شكرا يا سيادة اللواء / سيد على ترشيحك
انا انسان بحب الحياة
وبحب قوى الحياة الرومانسية ولكن بحب برده اعيش الواقع حتى لو مكنشى فى حب

قبل ما اخش المعهد مكنتش بخرج خالص من البيت كانت دورسى كلها جوى البيت وكنت بخرج يا اما المدرسة او الصلاة مكنتش اعرف معنى الحب خالص

عرفت معنى الصداقة وعرفت ازاى اعرف الانسان السئ من الانسان الكويس واذا كانت الصداقة صداقة مصلحة ولا صداقة حميمة وعرفت ازاى اقف مع صحبى فى الحزن والفرح

عرفت حاجات كتيرة قوى عرفت ازاى الانسان يعرف يحب امتى ويعرف اذا كانت اللى بتحبه بتحبه بجد ولا ده حب مصلحة ولا حب حقيقى واذا كانت الكلمة بتطلع من قلبها ولا كلام وخلاص

مونى
ازيك والله وحشانى جدااااااااااااااااااااااااااااا
بس معلشى بقى الشغل هوا مخلينى مش عارف ادخل كتير

-اكتر موقف حصلك كان محرج بالنسبالك؟
كان واحد صحبى عزمنى على شبكة واحد قريبة ولما رحت وحضرت لقيت اللى شبكها دى حبيبتى اللى كنت بحبها ولما شوفتها حسيت انى روحى بتنسحب من جسمى

اكتر حاجة بتكرها فى حياتك؟
خيانة الصديق قبل الحبيب

كم مرة حبيبت حب حقيقى ؟
5 مرات

وفى 2 محبتهمشى قوى واحدة منهم كانت مجنونة واظن انك عرفاها

وواحدة اكتشفت انها كانت بتحبنى حب مصلحة

بس ايه الاسئلة التقيلة دى
حرام يا مونى هما الناموس هيتنيهم يقصروا فينا ولا ايه يا سيد

بقلك ايه يا سيدس ارحمينى يا امة والله ما هرحمك لو وقعتى فى المحكمة

هاهاها لالالالالالالالالالالالالالالالالالا مش عندى رحمه وخد اسألتى بقى

1-كان نفسك تحقك ايه وماتحقكش؟؟؟
2-ايه الكلمه اللى قولتها لحد مره وضايقته اوى؟؟؟
3-لو حبيت تبقى حد مشهور تحب تبقى مين؟؟؟
4- مين مثلك الاعلى ؟؟؟؟
5- حد اتعلمت منه حاجه مين؟وايه؟؟؟
6- تقول لمين نفسى انتقم لنفسى منك؟؟؟
7- تقول لمين سامحنى؟؟؟
8-بتعرف تختار الوقت المناسب علشان تكلم حد فى موضوع مهم ؟؟؟
9-مثل حياتك فى 3 كلمات؟؟؟
10- بتحب الرومانسيه تكون فى اغلب اوقاتك؟؟؟
11- ممكن تضعف بنظره عين من بنت جميله؟؟؟؟
12-بكاء الاطفال لما بتسمعه بيكون عادى زى اى صوت ولا ايه شعورك؟؟؟؟
13-ايه الحاجه اللى تستفزك من اللى ادامك؟؟؟
14- مين الحد اللى كنت فاكره كويس وخاب ظنك فيه؟؟؟؟
15-لما بتكون فاضى تحب تعمل ايه؟؟؟
16-تعرف تتحكم فى مشاعرك اوى؟؟؟
17-ايه لعبتك المفضله؟؟؟
18- ايه اكلتك المفضله؟؟؟؟
19-ايه لونك المفضل؟؟؟
20-مين اكتر عضو بتحبه ومين اكتر عضو بترتحله فى الكلام و
مين اكتر عضو مش طايقه ومين اكتر عضو دمه خفيف ؟؟؟؟
21-ايه الكلمه اللى دايما معلقه معاك؟؟؟
22- تفضل حياتك من غير حب ولا بحب؟؟؟
23-تفتكر الفلوس كل حاجه ولا جزء من حاجه؟؟؟
24-ايه الذكرى اللى عمرك ماتنساها؟؟؟
25-من رايك الصداقه ولا الحب اللى يدوم؟؟؟
26-تحب تسافر مع اسرتك ولا مع اصحابك احسن؟؟؟؟
27-ايه القرار اللى اخته وندمت عليه؟؟؟؟
28-ايه اجمل شئ فى الحب من وجه نظرك؟؟؟؟
29- تتفق مع انيس منصور عندما قال ان الحب فيرس يصيب الانسان؟؟؟؟
30-بتأمن بالابراج والحظ؟؟؟؟
31-اول حاجه هاتعملها لااولادك؟؟؟؟
32-صف الدنيا من وجهه نظرك؟؟؟
33-هوايتك ايه؟؟؟
34- ملاحظه حاجه فيك ياترا صح ولا غلط انت محايد فى كل شئ ؟؟؟؟
35-بلد او مدينه نفسك تعيش فيها؟؟؟؟
36-ايه احساسك وانت عايز تكلم حد فى حاجه مهمه ومش عارف يفهمك؟؟؟؟؟؟؟؟
37-ماذا سرقته منك الحياه؟؟؟؟
38-حكمه او مثل بأمن بيه؟؟؟؟؟
39-عاده بتعملها دايما وعايز تتخلص منها؟؟؟؟؟؟؟؟
40-اى قرار بتاخده بتحكم بقلبك ام بعقلك؟؟؟؟؟؟؟؟؟
41- ايه الصفه اللى تتمنى تكون فيك؟؟؟؟؟؟؟؟؟؟؟

يلا مارضتش اطول عليك بقى

دا انتي كدا بتقضي عليه كل دي اساله يجاوبها انتي كان نفسك تساليه ده كلو ولا ايه حراااام كدا هوني عليه شويه

ماشى يا سندس مسيرك هيجيلك يوم
ومش هتقعى من تحت ايدى
وعلى راى الفنان الكبير ( المقاتل الفرعونى)ا
هتموتى يا سوسو هتموتى

-كان نفسك تحقك ايه وماتحقكش؟؟؟
كان نفسى ادخل كلية الحقوق عشان اخش النيابة
بس محصلشى نصيب ودلخ المعهد بتعنا
بس انا اؤمن بالمقولة عسى ان تكرهوا شيئا فهو خير لكم
وانا بكره المعهد كره العمى والله بس الحمد لله هيبقى خير بعد كده

-ايه الكلمه اللى قولتها لحد مره وضايقته اوى؟؟؟
كان فى معيدة مجنونة عندنا فى الكلية وكانت بتحبنى
المهم لما كنت اكلمها او انادلها اقلها يا دكتورة
فكانت بتضايق جدا من كلمة دكتورة

-لو حبيت تبقى حد مشهور تحب تبقى مين؟؟؟
محبش اكون زى حد لان محدش زيى الحمد لله
ده مش غرور انما تواضع الحمد لله

مين مثلك الاعلى ؟؟؟؟؟؟
والدى ربنا يخلهولى

حد اتعلمت منه حاجه مين؟وايه؟؟؟
وحدة كنت بحبها وعلمتنى ازاى احب بجد واخلص فى حبى

تقول لمين نفسى انتقم لنفسى منك؟؟؟
وحدة مجنونة كانت بتحبى ازتنى فى حبى والحمد لله
ربنا انتقملى منها

تقول لمين سامحنى؟؟؟
وحدة كنت بحبها اقلها سامحينى

بتعرف تختار الوقت المناسب علشان تكلم حد فى موضوع مهم ؟؟؟
مع الناس اللى علقتى بيهم كويسة اعرف
انما الناس اللى علقتى بيهم مش قوى معرفشى

-مثل حياتك فى 3 كلمات؟؟؟
زهق
وملل
واحباط

بتحب الرومانسيه تكون فى اغلب اوقاتك؟؟؟
فى اغلب الاوقات ماشى
بس مش كل الاوقات طبعا
لان االانسان بطبعه متقلب

- ممكن تضعف بنظره عين من بنت جميله؟؟؟؟l
مضحكشى عليكى لو قلت لكى لا
يعنى فى مرة وحدة من سنة فى الكلية وعرفت انها فرقة اولى والمفروض تدخل 3 ان شاء الله
عنيها جميلة جدا جدا رصاصى مجرد ما بصتلها وهيا بصتلى وهيا ماشية وقعت فصحبى بيقلها معلشى
ما يقع الا الشاطر قالت له نعم قلها معلشى اصل صاحبنا معجيب فانكسفت ومشيت

بكاء الاطفال لما بتسمعه بيكون عادى زى اى صوت ولا ايه شعورك؟؟؟؟
والله ده عيب فيا ونفسى ابطله
بحب اعيط بنت اخويا وابنه وبنت خالى بحب اعبطهم بيبقى شكلهم مضحك

ايه الحاجه اللى تستفزك من اللى ادامك؟؟؟
التكبر والجنون والغباء

يعنى التكبر
مرة واحد زميلى كنت واقف معاه وجه واحد تالت يخرج معانا ولما جه فعرفنى عليه وبيقله عبدالله المنيسى
والده كذا وكذا الموقف ده استفزنى جامد قوى
والجنون
واحد صاحينا ضمن الشلة مجنون عامل زى رمزى اللى فى مسلسل راجل وست ستات

والغباء برده هوا برده نفس الجنون واسمه محمد بسيونى وبنقله بسيونى بسيونى
غبى بيوقع الدنيا فى بعضيها

مين الحد اللى كنت فاكره كويس وخاب ظنك فيه؟؟؟
واحد صحبى
وواحدة صحبتى
الاتنين دول كانوا معايا فى المشروع مشروع التخرج
وصحبى ده اعرفه من اربع سنين ومن بلدى وكان بييجى يذاكر معايا ويبات معايا كنا زى الاخوات
وصحبتى بقى اعرفها من 3 سنين وتعتبر زى اختى بالظبط كنت بروح افضفض معاه واتكلم معاها لما اكون زعلان واى حاجة عنى كانت عرفاها
المهم جينا ساعة المشروع عملوا موقف بجد عرفت انى ظنى خاب فيهم

لما بتكون فاضى تحب تعمل ايه؟؟؟
كنت من فترة كنت بروح التدريب
انما دلوقتى يا بروح الشغل او نايم معظم الوقت

تعرف تتحكم فى مشاعرك اوى؟؟؟
ايوى اعرف اتحكم
يعنى هقلك موقف
فى مرة حضرت كتب كتاب اللى كنت بحبها
ومكنتش اعرف ان كتب كتابها واحد زميلى كان عزمنى على كتب كتاب واحد قريبه
ولما شفتها حسيت ان روحى بتطلع من جسمى بعد نص ساعة كنت واقف مزهول
خد بعض ورحت البيت كان ممكن اعمل مشاكل كتيرة قوووووووى بس قلت ربنا يوفقها

ايه لعبتك المفضله؟؟؟
هتصدقى لو قلت لكى انا بقالى 4 سنين ما لعبت لعية
فى اولى ثانوى كنت بحب العب لعبة RED ALERT
ولما وصلت لاخرها بانت نتيجة اول ثانوى وعرفت انى شايل مادة وقلت ساعتها يارتنى ما كنت وصلت لاخرها
وبعد كده الكوتشينة بي

ايه اكلتك المفضله؟؟؟؟
شربة الاندومى

ايه لونك المفضل؟؟؟
على حسب مثلا لو فى العربيات اللون الاسمر
فى التيشرتات اللون الابيض
وفى البناطيل الجينز اللون الازرق
فى البدل اللون الاسود

مين اكتر عضو بتحبه ومين اكتر عضو بترتحله فى الكلام و
مين اكتر عضو مش طايقه ومين اكتر عضو دمه خفيف ؟؟؟؟
اكتر عضو بحبه الوكيل

اكتر عضو برتحله فى الكلام
مجرم الرومانسية

اكتر عضو مش طايقه
الحمد لله كلهم كويسيين

اكتر عضو دمه خفيف
سندس

-ايه الكلمه اللى دايما معلقه معاك؟؟؟
هتموتى يا سوسو هتموتى

تفضل حياتك من غير حب ولا بحب؟؟؟
لا بالحب احسن
لانى عامل زى السمك
والبحر ده هوا الحب لو طلعت بره البحر اموت

-تفتكر الفلوس كل حاجه ولا جزء من حاجه؟؟؟
لا جزء منها
بس انا بعتبر الفلوس ولا ليها لزمة
لان احنا اللى بنجيب الفلوس

ايه الذكرى اللى عمرك ماتنساها؟؟؟
وحدة كنت بحبها بس مش هقدر انساها لانها علمتنى كتير قوى فى الحب

-من رايك الصداقه ولا الحب اللى يدوم؟؟؟
الصداقة
اقلك حاجة ومحدش يزعل منى فى الكلام ده
الحب عمره ما بيدوم حتى لو اتجوزوا بيطلقوا
در وجهة نظر

تحب تسافر مع اسرتك ولا مع اصحابك احسن؟؟؟؟
لا مع الاسرة

لان الاصحاب بيعملوا مشاكل مع بعض
يعنى فى مرة اصحابى كانوا طلعين رحلة مع بعض وكانوا عزمنى
بس حصل ظر ف طارق ومرحتش وسافروا هما وراحوا عملوا مشاكل مع بعض وكل واحد رجع لوحده

ومرة تانية طلعوا مع بعض وكانوا عزمنى بس انا طلعت الغردقة وهما سافروا وعملوا مشاكل مع بعض
ورجعوا كل واحد لوحده

-ايه القرار اللى اخته وندمت عليه؟؟؟؟
كان مرة والدى قلى كلام عن اللى بحبها كان وحش جدا
ودكتورة من المعهد قلتلى نفس الكلام عليها
وزميلى برده قلولى نفس الكلام
المهم اخد قرار انى اسبها
واديت الدبلة بتاعتها للدكتورة بتعتى تدهلها
كانتا الدكتورة بتدى سكشن فى المعهد ونادت للبنت وادتها الدبلة وهزئتها واهانتها امام الطلبة
وهيا خارجة من عند الدكتورة قبلت واحد زميلى وقلتله خلى بالك من عبدالله ومتقلشى لعبدالله انى قلت لك خلى بالك منه
وصحبى مقليشى اى حاجة
وعرفت بعد كده ان الكلام ده غلط ومش صح وندمت انى اخد القرار ده

ايه اجمل شئ فى الحب من وجه نظرك؟؟؟؟
انه بيخليك بطلع المشاعر اللى جوالك
وتفضفض مع الانسان اللى بترتحله
ولما بتكون معاه بتبقى سعيد

تتفق مع انيس منصور عندما قال ان الحب فيرس يصيب الانسان؟؟؟؟
لا متفقشى معاه فى المقولة دى
الحب يبقى فيرس لو الانسان معرفشى يتفاهم مع حبيبته
او غيره فى الحب بجنون او بيحبوا بعض بجنون

بتأمن بالابراج والحظ؟؟؟؟
لالالا مامنى بيها
لان حرام اصلا انى اامن بيها
كذبوا المنجمون ولو صدقوا

اول حاجه هاتعملها لااولادك؟؟؟؟
الصلاة

صف الدنيا من وجهه نظرك؟؟؟
الدنيا تعتبر مدررسة
والانسان فيها بيتعلم كل حاجة
واول ما الانسان بيتولد لغاية ما يموت بيتعلم من الدنيا

هوايتك ايه؟؟؟
الكونغ فو
الانترنت

ملاحظه حاجه فيك ياترا صح ولا غلط انت محايد فى كل شئ ؟؟؟؟
وضحى السؤال ونبى لانى مش فاهمه

انما محايد دى انا عمرى ما كنت محايد ولو اكتشفت انى عملت حاجة غلط بعتذر على طول

بلد او مدينه نفسك تعيش فيها؟؟؟؟
طنطا بحبها جدا
بلد جميلة جدا جدا جدا
وعرفت منها ناس كويسة واصحاب جدعين زى الوكيل والنعيم وسيد سيكا

-ايه احساسك وانت عايز تكلم حد فى حاجه مهمه ومش عارف يفهمك؟؟؟؟؟؟؟؟
بحس انه الانسان ده غبى
او واكل تاتورة على الصبح
او مصطبح بطبق فول وبصل

-ماذا سرقته منك الحياه؟؟؟؟
كنت عاوز اتجوز واحدة بحبها ومحصلشى فسمة ونصيب

-حكمه او مثل بأمن بيه؟؟؟؟؟
بصى انا هقلك حاجة
الانسان كل فترة وفترة بيحصله موقف
وبيبقى له مثل فلو قلنا الامثلة كلها مش هنخلص

فلو قلت مثلا مثل هقوله عن الحياة الدنيا اللى عايشين فيها

-عاده بتعملها دايما وعايز تتخلص منها؟؟؟؟؟؟؟؟
النوم
لانى نايم 24 ساعة فى ال 24 ساعة
وكسل كسلان على طول

اى قرار بتاخده بتحكم بقلبك ام بعقلك؟؟؟؟؟؟؟؟؟
بعقلى مفيشى مرة استخدمت فيها قلبى

ايه الصفه اللى تتمنى تكون فيك؟؟؟؟؟؟؟؟؟؟؟

مكنشة متعصب لانى بتعصب كتير قووووووووووى

فين بقيت الاسئلة يا سنادس
هما دول بس
والله لو شفتك لفترسك
وهتموتى يا سوسو هتموتى

ميرسى ياعبد الله ماخزلتنيش ههههه واعقبالك ياتيتو

محكمة الحب والغرام 20080110042103

» ما هو الحب من وجهة نظرك وما هى مشكلتك مع الحب
» حب*حب*!! ماهو الحب الحقيقى
» انواع الحب
» قواعد الحب
» علامات الحب